Олимлар биринчи марта лаборатория шароитида инсон ошқозонини плюрипотент ҳужайралари (хоҳлаган турдаги ҳужайрага айлана оладиган ҳужайра тури)ёрдамида ўстирди. Уч ўлчамли «миниошқозон» дори-дармонлар таъсири ҳамда касаллик қўзғатувчи организмларни ўрганишда қўлланилади. Тадқиқот натижалари Натуре журналида ёритилган.
Биологлар 2 йил мобайнида эмбрион организмида ошқозон ривожланишининг асосий босқичларини аниқлади. Уларни Петри идишига қўйиб, ўзак ҳужайраларни ошқозон ҳужайраларига айлантирди. Бир ойда диаметри 3 миллиметрни ташкил этган, турли хилдаги моддалардан иборат бўлган уч ўлчамли органоидларни чиқаришга муваффақ бўлдилар.
Сўнгра тадқиқотчилар «ошқозон»ни гастрит, ошқозон ҳамда ўн икки бармоқли ичак ярасини келтириб чиқарувчи Ҳелиcобаcтер пйлори бактерияси билан зарарлади. Бир кун ичида микроб ошқозон бўйлаб тарқалиб, c-Мет саратон генини келтириб чиқарди.
Бундан ташқари, олимлар бу органоидларни диабет ва бошқа касалликларни ўрганишда ҳам қўлламоқчи. Бундай тадқиқотларни ҳайвонларда ўтказиш мақсадга мувофиқ эмас, чунки ҳайвон ва одам ошқозони тузилиши бир-биридан тубдан фарқ қилади.
Изоҳ (0)