Бахтли тасодиф туфайлигина фожеасиз тугаган даҳшатли йўл-транспорт ҳодисаси тасвирланган видеоёзув интернетда тобора оммалашиб бормоқда, деб хабар берди «Российская газета».
https://www.youtube.com/watch?v=6-0E2Nxtm6o
Автомобильнинг видеорегистратори орқали ёзиб олинган ролик дастлаб Facebook фойдаланувчиларидан бири томонидан чоп этилган, кейинроқ YouTube хизматига қўйилган. Бир ҳафтадан камроқ муддат ичида видеоёзувни 8 миллиондан ортиқ фойдаланувчи кўрган.
Шаҳар ташқарисидаги йўлдан юк машиналар қатори ҳаракатланаётган бир пайтда ҳаворанг хетчбек пайдо бўлиб, энг чапдан ўнг қаторга ўтишга ҳаракат қилади. Лекин бундай қилишга худди шу йўналишда ҳаракатланган юк машинаси халал беради. Ҳайдовчи ўнг қаторда яна бир юк машинаси тўхтаб турганини кўрмай қолади ва бир кескин ҳаракат билан унинг орқа бамперига бориб урилади. Шундан кейин енгил автомобилни орқадан келаётган бошқа юк машинаси уриб юборади. Айнан шу машинанинг видеорегистратори ҳодисани ёзиб олган.
Youtube’да видеога берилган изоҳда айтилишича, ҳодиса Бельгиянинг Брюгге шаҳри ташқарисида 12 август куни бўлиб ўтган. Оғир аҳволдаги ҳайдовчи аёл шифохонага олиб борилган. Бир муддат комада ётганига қарамай, у тирик қолган ва тез орада тузалишни бошлаган.
Изоҳ (0)