Тошкентнинг Сирғали туманида «енгил метро» (трамвай ёки бир рельсли линия) қурилади. Бу ҳақда Сирғали тумани ҳокими Фурқат Мақсудхўжаевга таяниб Podrobno.uz хабар берди.
Нашрнинг эслатишича, ушбу туманда метрополитеннинг янги тармоғини қуриш ишлари бир неча йилдан буён режалаштирилмоқда. Аввалроқ Сирғалида метро қуриш муҳандислик-геологик шароитлар туфайли мумкин эмаслиги маълум бўлган эди. Шу туфайли лойиҳа «енгил метро» тизими бўйича тезюрар электр транспорти линиясини қуриш фойдасига қайта кўриб чиқилди.
Фурқат Мақсудхўжаевнинг айтишича, ўтган ҳафтада ушбу лойиҳа экспертлар билан муҳокама қилинган ва яқин орада бу масалани кўтариш режалаштирилмоқда. «Ҳозирча натижалар ҳақида гапиришга эрта, аммо биз туман инфратузилмасини ривожлантиришга жиддий ёндашмоқчимиз», — деди у.
Маълумот учун: енгил метро — барча йўллари автомобиль йўлларидан тўлиқ ажратилган ва бекатларга эга бўлган, кўча доирасидан ташқаридаги ер устидаги транспорт тури.
Изоҳ (0)