Таниқли америкалик ишбилармон, миллиардер Дональд Трамп Twitter орқали АҚШ президенти Барак Обамани Эбола вируси билан зарарланган ҳудудлардан келаётганларга мамлакатга киришни тақиқламаслик тўғрисидаги қарори учун танқид қилди, деб хабар берди «РИА Новости».
«Мен президентнинг руҳан соғлом эканлигига шубҳаланиб қолдим. Нега у парвозларни тақиқламади? Аҳмоқлик!», − деб ёзган миллиардер ўзининг Twitter’даги саҳифасида.
Шунингдек, Трамп Обамани танқид қилишни «Стив Малсберг шоуси» эфирида ҳам давом эттирди: «У ё қобилятсиз, ё ўта қайсар, ёки ростдан ҳам руҳий ҳаста. Раҳбарлик тажрибам менга ҳаттоки қарама-қарши позициядаги инсонларнинг ҳам фикрини тинглаб кўришга ёрдам беради, бироқ бу ҳолатда мен президентни тушунолмайман».
Изоҳ (0)