Янги HTC Nexus 9 планшетлари 3 ноябрдан 399 доллар нархда сотила бошланади

Яқиндагина HTC компанияси томонидан ишлаб чиқарилиши тасдиқланган янги Nexus 9 планшетлари 15 октябрь куни тақдим этилади ва 3 ноябрдан сотила бошланади. Бу ҳақда Phonearena.com маълумотига асосланиб «Пароль» нашри хабар берди.

Тахминларга кўра, Nexus 9 планшетида 9 дюйм 2560×1600 пикселли Quad HD дисплей, Nvidia Tegra К1 процессори ўрнатилади. Аммо процессор 32 бит, тўрт ядроли ёки икки ядро, 64 битли бўлиши ҳақида маълумот берилмаган.

Nvidia блогида эса, янги Android L операцион тизими учун 64 битли процессор устида ишламоқдамиз, деб ёзилган битик бор. Бундан тахмин қилиш мумкинки, янги Nexus 9 планшетида 64 битли процесор ўрнатилади.

Шунингдек, расман тасдиқланмаган маълумотларга кўра янги Nexus планшети 399 доллардан сотилади.