2014 йилнинг 25 сентябрь куни БМТ Бош ассамблеясининг 69-сессиясида қатнашиш мақсадида АҚШда бўлиб турган Ўзбекистон Республикаси Ташқи ишлар вазири Абдулазиз Комилов Нью-Йорк шаҳрида Испания Қироллиги Ташқи ишлар ва ҳамкорлик вазири Хосе Мануэль Гарсия-Маргальо билан учрашди, деб хабар бермоқда Ўзбекистон Республикаси Ташқи ишлар вазирлиги ахборот хизмати.
Суҳбат чоғида Ўзбекистон — Испания ҳамкорлигининг муҳим масалалари, 2013 йил ноябрь ва 2014 йил апелдаги ташқи сиёсат идоралари раҳбарларининг Испания ва Ўзбекистонга ташрифлари доирасида эришилган келишувларни амалга ошириш жараёни муҳокама қилинди.
Томонлар БМТ Бош Ассамблеяси кун тартибидан ўрин олган айрим халқаро ва минтақавий муаммолар юзасидан ҳам фикр алмашди.
Изоҳ (0)