Ўзбекистон Республикаси Президенти Ислом Каримов 2014 йил 25 сентябрь куни «Ижтимоий шериклик тўғрисида»ги Қонунни имзолади, дея хабар бермоқда UzReport. Ҳужжат шу йилнинг 18 июнида Қонунчилик палатаси томонидан қабул қилиниб, 28 августда Сенат томонидан маъқулланган.
Ушбу Қонуннинг мақсади ижтимоий шериклик соҳасидаги муносабатларни тартибга солишдан иборатдир.
Ҳужжатга мувофиқ, давлат органларининг нодавлат нотижорат ташкилотлари ва фуқаролик жамиятининг бошқа институтлари билан мамлакат ижтимоий-иқтисодий тараққиёти бўйича дастурларни ишлаб чиқиш ва амалга оширишдаги ҳамкорлиги ижтимоий шериклик ҳисобланади.
Қонунда иш билан таъминлаш, бандликка кўмаклашиш, кичик бизнес ва хусусий тадбиркорликни янада ривожлантириш, атроф-муҳит ва аҳоли саломатлигини асраш, шу орқали оналик ва болаликни, аёллар ҳуқуқларини ҳимоя қилиш, аҳолини ижтимоий қўллаб-қувватлаш ва ижтмоий фаоллигини ошириш каби муҳим масалалар ҳуқуқий жиҳатдан тартибга солинган.
Ушбу қонун 2015 йил 1 январдан кучга киради.
Изоҳ (0)