«Мобильние ТелеСистеми» ОАЖ Россия-Ўзбекистон телекоммуникация хизматларини кўрсатувчи Universal Mobile Systems МЧЖ қўшма корхонаси иштирокчилари таркибига кирди. Бу ҳақда Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси матбуот маркази хабар берди.
«Мобильние ТелеСистеми» ОАЖ UMS устав капиталининг 50,01% миқдоридаги улушига эга бўлди. Устав капиталининг қолган 49,99% миқдоридаги улуши Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси тизимидаги «Радиоалоқа, радиоузатиш ва телевидение маркази» ДУКка тегишли бўлди.
Айни пайтда операторга амалдаги қонунчиликка мувофиқ тегишли лицензиялар, зарур бўлган частота диапазони, рақамлар сиғими ҳамда фаолият кўрсатиши учун бошқа керакли рухсатномалар берилган.
Изоҳ (0)