Навои кон-металлургия комбинати 2014—2016 йилларда Зармитан конидаги Гидрометаллургик завод—4 да олтин қазиб олишни кўпайтиришга 112,3 миллион доллар инвестиция киритади. Бу ҳақда Gazeta.uz хабар бермоқда.

Заводни ривожлантиришнинг яқин уч йилга мўлжалланган дастури Оралиқ конида қазиб олиш мажмуасини қуришни, Чормитан конида янги баландликларни очишни кўзда тутади. Дастурнинг амалга оширилиши ГМЗ-4 нинг қайта ишлаш қувватини 30 фоизга — йилига 1,8 миллион тонна рудагача ошириш имконини беради.

Таъкидлаш жоиз, Зармитан кони Самарқанд вилояти Қўшработ туманида жойлашган Гидрометаллургик завод—4 нинг ресурс маркази ҳисобланади. Янги инвестиция лойиҳасига кўра, 2014—2016 йилларда Навоий тоғ-металлургия комбинати томонидан 660 ва 600 метрдан зиёд ерости йўллари қазилади ва конлар очилади.

2007 йилда Зармитан қўрғонида 300 миллион доллар эвазига олтин қазиб олиш мажмуаси қурилиши бошланган эди. Бугунги кунда ушбу мажмуа бир йилда бир миллион тонна руда қазиб олади.