6 сентябрь куни Таиланд пойтахти Бангкок шаҳрида ҳисоб бўйича 16-маротаба ўтказиладиган U-16 ўсмирлар ўртасидаги Осиё Чемпионати баҳсларига старт берилади. «Спорт» телеканали мазкур чемпионатнинг Ўзбекистон иштирок этадиган ўйинларини жонли эфирда намойиш этади. Ўзбекистон терма жамоаси Осиё Чемпионати доирасидаги биринчи учрашувини 7 сентябрь, якшанба куни ўтказади.
«Спорт» телеканалидаги манбамизнинг маълум қилишича, жорий ҳафта учун телекўрсатувлар жадвали тузилаётганда Осиё Чемпионатининг трансляция қилиниши сўроқ остида бўлган. Шу боис ўйинлар, хусусан, 7 сентябрь Тошкент вақти билан соат 14:00 да бошланадиган Ўзбекистон — Непал учрашуви дастурлар орасига киритилмаган. «Дарё» таҳририяти бу борада телеканал билан боғланганида, у ердаги манбамиз дастурга ўзгартириш киритиш орқали Ўзбекистон ва Непал ўсмирлари ўртасидаги баҳс жонли эфирда намойиш этилишини маълум қилди.
Мазкур Осиё Чемпионатида жами 16 та терма жамоа (саралаш босқичидан муваффақиятли ўтган 15 та терма жамоа ва мезбон Таиланд термаси) жами тўрт гуруҳга бўлинган ҳолда мусобақани бошлайди, деб қайд этди Uff.uz.
Турнир регламентига кўра, ҳар бир гуруҳдан дастлабки икки ўринни эгаллаган жамоалар чорак финал йўлланмасини қўлга киритади. Осиё Чемпионати ўйинлари Бангкок шаҳридаги икки стадион — Rajamangala ва Muangtong стадионларида ўтказилади. Ўзбекистон U-16 ўсмирлар терма жамоаси гуруҳ ўйинларини Бангкокдаги Muangtong стадионида ўтказади.
Эътиборлиси, Ўзбекистон U-16 ўсмирлар терма жамоаси мазкур ёш тоифасида амалдаги Осиё чемпиони ҳисобланади. Ҳозирда Александр Мочинов бошчилик қилаётган Ўзбекистон ўсмирлар терма жамоаси 5 сентябрь куни Бангкокда илк расмий машғулотларини ўтказади. Айни дамда Ўзбекистон U-16 ўсмирлар терма жамоаси ва барча делегация аъзолари Бангкокдаги Emerald меҳмонхонасига жойлашган.
Эслатиб ўтамиз, Александр Мочинов бош мураббийлигидаги Ўзбекистон U-16 ўсмирлар терма жамоаси мусобақанинг «C» гуруҳида Қувайт, КХДР ва Непал ўсмирларига қарши тўп суради.
Гуруҳ ўйинлари жадвали:
«А» гуруҳи: Таиланд, Жанубий Корея, Уммон, Малайзия (Мазкур гуруҳ ўйинлари Muangtong стадионида ўтказилади)
1-тур. 6 сентябрьЖанубий Корея — УммонТаиланд — Малайзия
2-тур. 8 сентябрьМалайзия — Жанубий КореяУммон — Малайзия
3-тур. 10 сентябрьТаиланд — Жанубий КореяУммон — Малайзия
«Б» гуруҳи: Япония, Австралия, Хитой, Гонконг (Мазкур гуруҳ ўйинлари Rajamangala стадионида ўтказилади)
1-тур. 6 сентябрьЯпония — ГонконгАвстралия — Хитой
2-тур. 8 сентябрьГонконг — АвстралияХитой — Япония
3-тур. 10 сентябрьЯпония — АвстралияХитой — Гонконг
«C» гуруҳи: Ўзбекистон, Қувайт, КХДР, Непал (Мазкур гуруҳ ўйинлари Muangtong стадионида ўтказилади)
1-тур. 7 сентябрьЎзбекистон — Непал (соат 14:00)Қувайт — КХДР
2-тур. 9 сентябрьКХДР — Ўзбекистон (соат 18:00)Непал — Қувайт
3-тур. 11 сентябрьЎзбекистон — Қувайт (14:00)КХДР — Непал
«Д» гуруҳи: Эрон, Сурия, Саудия Арабистони, Қатар
1-тур. 7 сентябрьЭрон — ҚатарСурия — Саудия Арабистони
2-тур. 9 сентябрьҚатар — СурияСаудия Арабистони — Эрон
3-тур. 11 сентябрьЭрон — СурияСаудия Арабистони — Қатар
Изоҳ (0)