Ўзбекистон олий таълим муассасаларига кириш имтиҳони натижалари 16 август, шанба куни эълон қилинади. Бу ҳақда Ўзбекистон Республикаси таълим муассасаларига қабул қилиш бўйича Давлат комиссияси томонидан тарқатилган эълонда хабар қилинди.
Эълонга кўра, Олий ўқув юртларига кириш имтиҳони натижалари «16 август, шанба куни соат 9:00 дан бошлаб эълон қилинади».
Тест натижаларини Ўзбекистондаги мобил алоқа операторлари жорий қилган SMS хизматлари ёрдамида ҳам билиш мумкин бўлади, дейилади комиссия эълонида.
Эслатиб ўтамиз, жорий йилда ОТМларга кириш имтиҳонларини топширган абитуриентлар тест натижаларини онлайн пластик карточкаларига уланган Click хизмати орқали ҳам билиб олиши мумкин.
Шунингдек, ДТМ сайтида берилган хабарга кўра, тест натижаларини 5100 рақамига SMS юбориш орқали ҳам билиш мумкин. Мазкур хизмат фақат Ucell компанияси абонентлари учун амал қилади. Битта чиқувчи SMS нархи — 75 цент.
Фурсатдан фойдаланиб, барча абитуриентларга омад тилаймиз! Барчага талабалик насиб этсин!
Изоҳ (0)