Россия ҳукумати мамлакатдаги ижтимоий тармоқлар ва бошқа оммабоп мулоқот сайтларига махсус хизматлар автоматик режимда ушбу сайтлар фойдаланувчилари ҳақида маълумот олиши учун махсус қурилма ва дастурий таъминот ўрнатиш мажбуриятини юклади. Бу ҳақда Rbc.ru’га таяниб, «Анҳор» хабар берди.
Россия бош вазири Дмитрий Медведев 31 июль куни блоггерлар ҳақидаги қонунга аниқлик киритувчи қарорни имзолади. У махсус хизматлар ва «ахборот тарқатишни ташкиллаштирувчилар» — ижтимоий тармоқлар, форумлар ва мулоқот учун бошқа сайтлар ҳамкорлигига бағишланган.
Ҳужжатда Федерал хавфсизлик хизмати учун сайтларга махсус қурилма ва дастурий таъминот қандай маблағ ҳисобига ўрнатилиши ҳақида гап бормайди.
Эслатиб ўтамиз, аввалроқ Медведев ресторан, метро, истироҳат боғлари ва бошқа жамоат жойларида аноним интернет алоқасини тақиқловчи қарорни имзолагани ҳақида хабар берилган эди.
Ҳужжатга кўра, алоқа оператори фойдаланувчиларни идентификациялаши керак бўлади.
Wi-Fi орқали интернетга чиқиш учун фойдаланувчи «шахсни тасдиқловчи ҳужжати билан тасдиқланган» исм, фамилия ва шарифини тақдим этиши зарур бўлади.
Изоҳ (0)