Эйми Мейден бўлажак турмуш ўртоғи Ник Уилернинг бувисиникида куёвнинг болалик суратлари орасидан ўзининг расмини топиб олди. Бу ҳақда AdMe.ru хабар бермоқда.
Маълум бўлишича, сурат 1994 йил Эйми катта бўлган Буюк Британиянинг Маусхолл шаҳарчасидаги соҳилда олинган. Бу вақтда соҳилдан 300 километр узоқликда яшаган Ник бу ерга оиласи билан бир кунга дам олиш учун келган.
Соҳилда Никнинг ёнгинасида ўйнаб юрган қизалоқ орадан 20 йил ўтиб, унга турмушга чиқмоқда. Агар ўша куни кимдир бу никоҳ ҳақида айтганида, Ник ва Эйми уни ақлдан озган деб ҳисоблаган бўларди.