“Манчестер Юнайтед” энг кўп гол ўтказиб юбориш бўйича 1977 йилдаги антирекордини такрорлади.
6 май куни футбол бўйича Англия чемпионатининг 36-тури доирасида “Манчестер Юнайтед” клуби “Кристал Пэлас” меҳмони бўлиб, йирик ҳисобда мағлуб бўлди. Учрашув 4:0 ҳисобида якунланди.
Шу тариқа, “Манчестер Юнайтед” бош мураббийи Эрик тен Ҳаг бошчилигидаги жамоа 1976—1977 йилги мавсумдан бери илк бор барча турнирларда 81 та гол ўтказиб юборди (55 та Премьер Лигада, 8 та Англия кубогида, 3 та Англия лига кубогида ва Чемпионлар Лигасида 15та).
Мутлақ антирекорд учун “Манчестер Юнайтед” битта гол ўтказиб юбориши керак. Жамоа навбатдаги ўйинни Лондоннинг “Арсенал” жамоасига қарши ўтказади. Учрашув 12 май куни “Олд Траффорд” стадионида бўлиб ўтади.
35-турдан сўнг манчестерликлар 54 очко билан АПЛ турнир жадвалида 8-ўринни эгаллаб турибди.
Изоҳ (0)