Бугун, 24 июль куни Жазоирнинг Air Algerie авиакомпанияси самолёти Нигер республикасининг пойтахти Ниамей шаҳри яқинига қулади. Бу ҳақда GlobalScanner твиттерига асосланиб, Gazeta.ru хабар берди.
Маълум қилинишича, самолёт бортида 110 йўловчи ва олти нафар экипаж аъзоси бўлган.
Тахминларга кўра, авиаҳалокатга кучли момақалдироқ сабаб бўлган.
Аввал хабар берилганидек, бугун Жазоирнинг Air Algerie авиакомпанияси Буркина-Фасо давлати пойтахти Уагадугудан йўлга чиққан самолёт билан алоқани парвоздан 50 дақиқа ўтиб, йўқотиб қўйган эди.