Google раҳбари Ларри Пейж Samsung компанияси ақлли соатлар учун Tizen операцион тизимидан фойдаланаётгани сабабли хафа. Бу ҳақда The Verge маълумотига асосланиб «Парол» нашри хабар берди.
Шу ойнинг бошида Google раҳбари ва Samsung вице-президенти Жей Ли ўртасида яширин суҳбат бўлиб ўтган. Унда Ларри Пейж норози овозда Samsung’нинг Gear 2 ва Gear Fit каби ақлли соатларида Android Wear эмас Tizen операцион тизими ишлатилаётгани ҳақида гапирган.
Samsung эса унинг келажакдаги режалари учун Tizen операцион тизими муҳим рол ўйнашини таъкидламоқда.
Эслатиб ўтамиз, Samsung кузда тақдим этилиши кутилаётган Gear Glass ақлли кўзойнагида Tizen операцион тизимини ишлатмоқчи. Шунингдек, Жанубий Корея компанияси Tizen операцион тизими ўрнатилган илк смартфонини ҳам тақдим этиб бўлди.
Изоҳ (0)