Планшет ва смартфонларда ёзиш ноқулай ва кичик экранда ёзиш кўплаб хатоликларга олиб келади. Ушбу муаммони ҳал этиш мақсадида Техасда янги стартап ўз ишини бошлади. Бу ҳақда Mashable нашри хабар берди.
Стартап ишлаб чиқмоқчи бўлган қурилма AirType деб номланади ва уни «клавиатурасиз клавиатура» дейиш мумкин. У кафтга тақилади ва исталган юза ёки юза бўлмаган жойларда ҳам худди клавиатурада ёзгандек ёзилаверилади.
AirType ҳеч қандай виртуал клавиатура сурати ёки бирор тасвир кўрсатмайди. У икки кафтга тақилган қурилма сенсорлари ёрдамида бармоқ ҳаракатларини кузатиб ишлайди. Бунда бармоқлар клавиатура тугмаларини босгандек ҳаракат қилади ва қурилма бармоқ қайси тугмага теккани ёки тегишини сезади. AirType билан ишлаш учун клавиатура тугмалари қай тартибда жойлашганини билиш зарур бўлади.
Шунингдек, қурилма сизнинг клавиатурада ёзишдаги одатларингизга мослаша олади. Бу худди бирор гаджетни овозингизга мослаштиришга ўхшайди. AirType хатоларни тўғрилайдиган ва сўзларни олдиндан аниқлайдиган махсус дастурга эга бўлади.
Изоҳ (0)