Ҳарбий қисмлар қўмондонлигининг тавсияномаларига эга бўлган барча абитуриентларга республиканинг олий таълим муассасалари бакалавриат таълим йўналишларига киришда тўплаш мумкин бўлган энг кўп баллнинг 27 фоизи миқдорида қўшимча балл шаклидаги имтиёз берилади. Бу ҳозирги кунда 61,2 баллга тенг, дея ҳуқуқшунос Хушнудбек Худайбердиев ўз сайтида хабар берган.
Қуролли Кучлари сафида муддатли ҳарбий хизматни ўтаб, ҳарбий қисм қўмондонлигининг тавсияномасига эга бўлган ва олий таълим муассасасига ҳужжат топшираётган абитуриентнинг ўқишга қабул қилиш ҳақидаги аризаси олий таълим муассасаси қабул комиссияси томонидан 20 июндан 20 июлгача, Ўзбекистон давлат консерваторияси учун 20 июндан 15 июлгача қабул қилинади.
Ҳарбий имтиёзга эга абитуриент олий таълим муассасаси қабул комиссиясига қуйидаги ҳужжатларни тақдим этади:
- таълим йўналиши, ўқув тили ва шакли кўрсатилган ариза;
- ўрта махсус, касб-ҳунар таълими муассасасини ёки ўрта таълимни (11-синф негизида) тугатганлиги ҳақидаги ҳужжатнинг асл нусхаси;
- ҳарбий қисм қўмондонлиги тавсияномасининг асл нусхаси;
- 086-У шаклдаги тиббий маълумотнома;
- паспортнинг нусхаси;
- ҳарбий гувоҳнома нусхаси;
- 3,5×4,5 см ўлчамли 6 та рангли фотосурат;
- белгиланган тартибда тасдиқланган меҳнат дафтарчасидан кўчирма ва ишлаб турган соҳадан тавсиянома (махсус сиртқи бўлим абитуриентлари учун).
Изоҳ (0)