Harbiy qismlar qo‘mondonligining tavsiyanomalariga ega bo‘lgan barcha abituriyentlarga respublikaning oliy ta’lim muassasalari bakalavriat ta’lim yo‘nalishlariga kirishda to‘plash mumkin bo‘lgan eng ko‘p ballning 27 foizi miqdorida qo‘shimcha ball shaklidagi imtiyoz beriladi. Bu hozirgi kunda 61,2 ballga teng, deya huquqshunos Xushnudbek Xudayberdiyev o‘z saytida xabar bergan.
Qurolli Kuchlari safida muddatli harbiy xizmatni o‘tab, harbiy qism qo‘mondonligining tavsiyanomasiga ega bo‘lgan va oliy ta’lim muassasasiga hujjat topshirayotgan abituriyentning o‘qishga qabul qilish haqidagi arizasi oliy ta’lim muassasasi qabul komissiyasi tomonidan 20-iyundan 20-iyulgacha, O‘zbekiston davlat konservatoriyasi uchun 20-iyundan 15-iyulgacha qabul qilinadi.
Harbiy imtiyozga ega abituriyent oliy ta’lim muassasasi qabul komissiyasiga quyidagi hujjatlarni taqdim etadi:
- ta’lim yo‘nalishi, o‘quv tili va shakli ko‘rsatilgan ariza;
- o‘rta maxsus, kasb-hunar ta’limi muassasasini yoki o‘rta ta’limni (11-sinf negizida) tugatganligi haqidagi hujjatning asl nusxasi;
- harbiy qism qo‘mondonligi tavsiyanomasining asl nusxasi;
- 086-U shakldagi tibbiy ma’lumotnoma;
- pasportning nusxasi;
- harbiy guvohnoma nusxasi;
- 3,5×4,5 sm o‘lchamli 6 ta rangli fotosurat;
- belgilangan tartibda tasdiqlangan mehnat daftarchasidan ko‘chirma va ishlab turgan sohadan tavsiyanoma (maxsus sirtqi bo‘lim abituriyentlari uchun).
Izoh (0)