Мексика ҳарбий вертолёти АҚШ ҳаво ҳудудига бузиб кирди ва Аризона штатидаги америкалик чегарачиларни ўққа тутди. Шундан сўнг ортга бурилиб, Мексикага қайтиб кетди. Бу ҳақда маҳаллий KVOA News 4 телеканали хабар берди.
Ҳодиса натижасида ҳеч кимга зиён етмаган. Мексика ҳукумати воқеа юзасидан узр сўради ва тергов олиб боришга ваъда берди.
Бундай ҳодисаларАҚШ ва Мексика чегарасида тез-тез содир бўлиб туради. АҚШ миллий хавфсизлик вазирлиги берган маълумотга кўра, ўтган ярим йил ичида бундай воқеалардан 500 таси қайд этилган, 131 нафар мексикалик чегарачилар америкалик ҳамкасблари томонидан қўлга олинган.