Бугун,

  • USD 11095.31
  • RUB 173.84
  • EUR 10772.44

20 июнь, жума куни Туркманисон пойтахти Ашхободдаги «Парахат — 7» микрораёнида аҳоли ва ҳукумат вакиллари ўртасида келишмовчилик келиб чиқди. Мансабдорлар кўп қаватли уйларда яшовчи одамлардан кондиционерларини олиб ташлашни талаб қилган. Шаҳар ҳукуматининг фикрича, улар бинонинг ташқи қиёфасини хунуклаштиради. Бу ҳақда «Туркманистон хроникаси» нашри хабар берди.

«Парахат — 7» микрораёни. Фото: chrono-tm.org

«Парахат — 7» микрораёни. Фото: chrono-tm.org

Ҳарорат 45 даражагача кўтарилаётган жазирама кунларда бетон уйларда кондиционерсиз қолишни истамаган аҳоли бунга норози бўлди.

Кўчага эркаклар ва аёллар чиқиб, кондиционерларни куч билан олиб ташламоқчи бўлган туман ҳокимлиги ва уй бошқаруви ишчиларини қувиб солган. Вазиятдан хавфсираган мансабдорлар полицияни чақирган. Намойишчилар полицияни ҳам ғазаб билан кутиб олиб, уларга қарғишлар билан бирга тош ҳам улоқтирган.

Уларга битта юк машинасида ҳарбийлар ва миллий хавфсизлик вазирлиги ёрдамга келган. Кондиционерларга тегмасликка ваъда берганларидан сўнггина халқ тинчланган.

«Парахат — 7» микрораёнига уйлари бузилган ашхободликларни жойлаштиришган. Улар шаҳар марказидаги қулай уйларидан шаҳар чеккасига кўчирилган. Кимларгадир кичикроқ майдонга эга уй теккан, бироқ уларга ҳеч қандай товон пули тўланмаган. Ушбу ҳудуддаги кўпчилик янги уйларда канализация қувурлари ишдан чиққан, доимий намликдан хоналар моғор босган.

Изоҳ
Asosiy yangiliklar
Дунё
«Дарё» кундалигида 9 декабрда содир бўлган энг муҳим воқеалар
Дунё
Қозоғистон Россияга зирҳли техника жўнатиши ҳақида хабарлар тарқалди (видео)
Маданият
Шаҳзода Гарри ва Меган Маркл янги ҳужжатли фильмда Елизаветта II ни масхаралаб, қироллик оиласи аъзоларини ирқчиликда айблади (видео)