Samsung Engineering компанияси томонидан Қорақалпоғистоннинг Қўнғирот туманидаги 31-умумтаълим мактаби кутубхонасига ўзбек, қорақалпоқ, корейс ва инглиз тилларидаги адабиётлар совға қилинди. Бу ҳақда ЎзА хабар берди.
Шу муносабат билан бўлиб ўтган тадбирда Uz-Kor Gaz Chemical Ўзбекистон—Жанубий Корея қўшма корхонаси раҳбари ўринбосари Фахриддин Абдурасулов, Samsung Engineering компанияси қурилиш участкаси бошлиғи Ким Ик Вун иштирок этди.
Тадбир доирасида мактаб ўқувчилари ўртасида «Табиат ва менинг асарим» мавзусида расмлар танлови ўтказилди. Атроф-муҳитни муҳофаза қилиш, табиий ресурслардан оқилона фойдаланиш, муқобил энергия манбалари тўғрисида ўқувчиларни қизиқтирган саволларга мутахассислар батафсил жавоб қайтарди.
Тадбирда ўқувчилар томонидан ўзбек, қорақалпоқ ва корейс халқ миллий куй-қўшиқлари янгради, рақслар ижро этилди.
Изоҳ (0)