«Тўмарис» номли илк рок-гуруҳнинг биринчи клипи тайёр бўлди (видео)

Замира Бешимова бошчилигидаги «Тўмарис» номли илк рок йўналишидаги гуруҳнинг биринчи видеоклипи тайёр бўлди. Бу ҳақда Popcorn.uz хабар берди.

Хабарда таъкидланишича, Икром али режиссёрлигида суратга олинган «Гуноҳ қилма» таронаси видеоклипи қизиқарли воқеаларга бой. Қайд этиш жоиз, бу гуруҳнинг биринчи ижодий маҳсули ҳисобланади.

Бундан ташқари, гуруҳнинг солисти Замира Бешимова айни дамда янги фильмда ҳам суратга тушмоқда. Дилшод Аҳмедов режиссёрлигида «Тўқликка шўхлик»нинг давоми суратга олинаётган фильмда актриса бош ролни ижро этмоқда. Ёқуб Аҳмедов ҳамда Ойдин Юсупова ҳам бош ролда намоён бўлади.

Popcorn.uz’нинг маълум қилишича, «Тўмарис» гуруҳи яқинда яна бир янги клип тақдим этишни режалаштирган.

Эслатиб ўтамиз, «Гуноҳ қилма» таронаси видеоклипи Тошкентнинг Azia Trans Terminal қўшма корхонасида тасвирга олинган бўлиб, унда 100 нафарга яқин раққос йигит-қиз иштирок этган.