Тошкентнинг Ле Гранде Плаза меҳмонхонасида Лола билан «Мулоқот интервю»нинг навбатдаги сони суратга олингани ҳақида аввал хабар берган эдик. Интервюнинг ёзма шаклидан баҳраманд бўлган муштарийлар унинг видео лавҳаларини ҳам интизорлик билан кута бошлагани ҳақида изоҳлар қолдирган эди. Марҳамат, интервюни видео шаклида ҳам томоша қилишингиз мумкин.
Исмингизни ким қўйган?
Лола: Ҳамма каби менинг исмимни ҳам ота-онам қўйган. Аниқроқ қилиб айтадиган бўлсам, бу исмни дадам қўйган. Ҳар хил таклифлар бўлган экан, мисол учун Наргиза, Феруза. Лекин дадам шу исмни танлаган ва бундан жуда ҳам хурсандман, чунки халқ орасида бир гап бор: «Кемани қандай номласанг, шундай сузади». Менинг феъл-атворимни, дидимни ҳисобга олган ҳолда ушбу исм мен учун энг мос деб ҳисоблайман. Айнан шу исмни мен учун танлагани учун дадамга катта раҳмат айтаман.
Аввал нега айнан Майя тахаллуси билан ижод қилгансиз?
Лола: Бу тахаллусим Россияда ўқиб юрганимда пайдо бўлган эди. Аслида Лола деб ўз исмим билан ижод қилмоқчи бўлганимда Москвада Лолита ва шунга ўхшаш тахаллуслар кўп бўлгани учун мен билан ишлайдиган продюсерлар Майа тахаллусини танлаган.
Санъатга кириб келишингизга нима туртки бўлган: меҳрми ёки ташқи таъсирми? Ижодингизда кўпроқ кимлар билан ишлайсиз?
Лола: Нимадир туртки бўлган, деб айта олмайман. Ёшлигимдан ўзимни санъаткор бўламан деб тайёрлардим. Мактаб давримда матеметика, физика фанларидан ёмон баҳо олган пайтларимда, «Майли, сиқилма, барибир санъаткор бўласан», — деб ўзимни овутардим (кулади). Шу сабабли санъатга кириб келишим уйдагиларимни ҳайратга солмаган. Аммо менинг асл мутахассислигим – ҳуқуқшунослик.
Миллийлик ва замонавийлик уйғунлашган услубингизни яратишда ким ёрдам берган?
Лола: Буни кимдандир ўрганганман, деб айта олмайман. Чунки ҳар бир либосим ёки саҳна безаги, ёки бўлмаса суратга олинган клип куйлайдиган қўшиғимга, унинг ғоясига боғлиқ. Тўғри, бир қатор мутахассислар ҳам стил устида ишлашади, аммо ўзимга ёқадиган ва уларнинг фикрига ҳам асосланган бир муросага келишга ҳаракат қиламиз. Энг муҳими, биз Шарқда яшаймиз, шу сабабли миллийлигимизни унутмаслигимиз керак, деб ўйлайман.
Биринчи қўшиғингизни ҳали ҳам айтиб турасизми?
Лола: Албатта, биринчи қўшиғим — «Ширибом»ни эслаб тураман. Буни унутиш жуда қийин. Сабаби, мактабга кетаётган вақтимда ортимдан «Ширибоооом!» деб бақириб қолишарди, бундан ўзимни жуда ғалати ҳис қилардим. Тўғри, бу ҳам ўша пайтда бўлган бир машҳурлик эди, лекин ёш бўлганим учун буни тушунмаганман ва бу ҳолат менга ёқмас эди. Руслан Шарипов қаламига тегишли бўлган шу «Ширибом» қўшиғи мен куйлаган биринчи қўшиқ эди. Кейинчалик у киши билан албом ҳам чиқарганмиз.
Фарзандларингиз келажакда қандай касбни танлашини хоҳлардингиз? Улар ҳам сиз каби санъаткор бўлиш истагини билдирса, бунга қандай қараган бўлардингиз?
Лола: Фарзандларимнинг ўқишига, тарбиясига,бўш вақтларининг унумли ўтишига жуда жиддий қарайман. Улардан умидим жуда катта. Лекин улар танлаган касбнинг ўзим шуғулланадиган иш билан алоқаси бўлишини хоҳламасдим. Агар санъат билан шуғулланишга истак билдирса, унга фақат хобби сифатида қарашини хоҳлардим. Очиғини айцам, шифокорлик касбига қизиқиш, ҳавас ва чексиз ҳурмат билан қарайман. Шу сабабли, қизимнинг шифокор бўлишини жуда хоҳлардим. Ўғлимга келсак… (сирли табассум билан) буни вақт кўрсатади. Лекин фарзандларим қайси касбни танлашига қарамасдан, албатта уларни қўллаб-қувватлайман. Энг муҳими, улар юзимни ерга қаратмаса бўлди.
Сизнинг фикрингизча, мухлисларингиз орасида қизлар кўпми ёки йигитлар? Сизни ёшлар кўп тинглайдими ёки кексалар?
Лола: Ёшлар! Олдин мухлисларим қаторида қизлар кўпроқ эди. Буни менга келган совғалардан, хатлардан билардим. Бироқ ҳозирда фан-клубимга эътибор берадиган бўлсак, йигитлар қатори кенгайиб бораётганини кўриш мумкин. Бу, албатта, қувончли ҳолат. Демак куйлаётган қўшиқларим кўпчиликка манзур келмоқда. Энг муҳими, мухлисларим бор экан, демак, мен ҳам борман.
Ўзингиздаги учта яхши ва учта ёмон хислатларни санаб бера оласизми?
Лола: Яхши фазилатларимнинг камида 30 тасини санаб беришим мумкин, ёмон томонларим эса умуман йўқ, деб жуда «камтарона» жавоб беришим мумкин (кулади). Аслида, ушбу саволга мухлисларим, яқинларим, мен билан ишлайдиган жамоам жавоб бериши керак. Албатта юқоридаги гапим ҳазил эди ва ўзимнинг назаримда жуда қаттиққўл ва талабчан инсонман. Бу гапимни жамоам тасдиқласа керак, чунки уларни бу жиҳатим билан қийнаб юбораман — уларга ҳайкал қўйса ҳам камлик қилади. Уларга чексиз миннатдорчилигимни билдираман. Камчикларимга келсак, онамнинг айтишича, иккита камчилигим бор экан: бири пунктуал эмаслигим (кеч қолиш одати) ва иккинчиси телефонимнинг қуввати доимо ўчиқ бўлиши. (Лекин бизнинг учрашувларимизга Лола ҳали бирон марта кеч қолмаган, аксинча, белгиланган вақтдан 15 дақиқа олдин келиб туради. — «Дарё» таҳририяти)
У вас были такие моменты, когда вы хотели бросить все это, т.е искусство, шоу-бизнес, сьемки и жить обычной жизнью?
Лола: Не скажу, что были такие моменты, потому, что раз человек этим занимается, то он этим живет и дышит. Потому, что это внутри, это живет в нас, в творческих людях. Сознательно, разумеется, я никогда этого не хотела, но соглашусь с тем, что были такие ситуации, когда приходилось отходить от творчества и карьеры. Но это тоже все зависело уже больше от окружающих нас обстоятельств. Потому, что к примеру, когда я вышла замуж, то уже занималась семьёй, своими детьми. И мне было сложно совмещать работу и семью.
Фарзандларингизга ўзбек тилида алла айтганмисиз?
Лола: Тан оламан, фарзандларимга рус тилида алла айтганман. Чунки ёшлигимда ўзимнинг онам ҳам менга фақат рус тилида куйларди. Масалан, онам менга куйлаган «Мамонтча» қўшиғи ҳозиргача қулоғим остида жаранг сочади.
Самый дорогой вам человек ваша мама или папа?
Лола: Тяжело сказать – кто для вас самый дорогой. Потому, что все мои близкие люди очень дороги мне и бесценны, так же, как моя мама и мой отец, и моя семья, и мои дети. Вообще моя семья и дети, это моя большая опора и именно они дают мне силу и стремление творить. И если бы не было их, то и не было бы меня на сегодняшний день! И таких людей много, которые занимают каждый своё особое место. Но родители – это, конечно, святое, тем более мама! Скажу честно – только став матерью, начинаешь все лучше понимать, то счастье и те трудности, с которыми сталкивается каждая женщина и любящая мать. И я желаю всем, всем нашим мамам огромного счастья и крепкого здоровья.
Турмуш ўртоғингиз қўшиқ куйлашингизга қаршилик билдирмайдими?
Лола: Турмуш ўртоғим ижодимга жуда яхши қарайди. Мени бу борада қўллаб-қувватлаб туради ва ижодимни ҳам ёқтиради. Лекин, барча оилали аёллар каби чегарадан чиқмасликка, ҳар бир ишни бошлашдан аввал турмуш ўртоғим билан маслаҳатлашишга одатланганман. Ижод маҳсулим тайёр бўлгач, уни энг аввал икки кишига кўрсатаман. Биринчиси — менинг отам, иккинчиси — турмуш ўртоғим. Улар томонидан билдирилган фикрлар, ҳаттоки танқидлар ҳам мен учун жуда муҳим.
Талабалик йилларингиз қандай ўтган?
Лола: Талабалигим — энг қўмсаб эслайдиган пайтларим, яқин дўстларим, биринчи муҳаббатим. Ўша йилларда учратган дўстларим билан ҳалигача хабарлашиб, борди-келди қилиб турамиз. Ўқишга кириш пайтларим қийин кечган. Олий ўқув юртига (Тошкент Халқаро Вестминстер Университети) ҳамма ўртоқларим билан бирга ҳужжат топширганмиз. Ўша йили фақат мен кириш имтиҳонларидан йиқилганман. Бу ҳолат менга жуда қаттиқ таъсир қилган, ҳаёт худди тўхтаб қолгандай туюлган (кулади). Лекин яқинларим сабабли ўз ижодимни ва ўқишга тайёргарлигимни давом эттирганман. Кейинги йил ўқишга кириб, мақсадимга эришганман. Биринчи курслигимда илк севгимни учратиб, қарабсизки, иккинчи курсдаёқ келинлик либосини кийиш бахтига муяссар бўлганман. Ҳозирги кунда ўша биринчи муҳаббатим — турмуш ўртоғим билан жуда бахтиёрман.
Шахсий ҳаётингизга санъатнинг салбий таъсири кучлими ёки ижобий?
Лола: Биласизми, ҳаётга ҳам салбий, ҳам ижобий воқеалар ўз таъсирини ўтказа олади. Бу айниқса, санъаткорлар ҳаётида кучли кечади. Агар мусиқий тўпламаларимни бир жойга жамлаб тинглаб кўрсангиз, бутун таржимаи ҳолимни билиб олишингиз мумкин. Ҳаётимиз давомида учраган ютуқлар ва мағлубиятларнинг ўз ўрни бор, улардан тўғри хулоса чиқара олишимиз зарур, деб ўйлайман.
Нега кинода кўринмай қолдингиз?
Лола: Ҳозирда менга кинода суратга тушиш борасида кўплаб таклифлар бўлмоқда. Лекин баъзиларининг ссенарийси, баъзиларининг қаҳрамонлари ма’қул келмайотгани учун рад этишга мажбур бўляпман. Агар ноанъанавий ва ўзимни чиндан қизиқтирган фильм ссенарийси қўлимга тушиб қолса, томошабинларни албатта хушнуд этаман.
Ҳозир нима билан бандсиз? Қўшиқ яратаяпсизми ёки фильмда суратга тушаяпсизми?
Лола: Ҳозирги кунда ҳар доим шуғулланадигон ишим — ижод билан бандман. Янгича ижод, услуб, клиплар ғояси устида ишлаш билан овораман. Айни пайтда янги «Кел» деб номланган албом устида ишламоқдамиз.
Как вы думаете, каким должен быть настоящий поклонник?
Лола: (Улыбаясь) Таким как участники Фลн оф Лолล! Я очень горжусь своим фан-клубом, эти ребята на самом деле самые лучшие, открытые, добрые и преданные поклонники. Они не раз меня выручали и поддерживали в трудных ситуациях. Я ими очень горжусь, спасибо, Фан оф Лола, большое.
Нима учун сиз бошқа хонандалардан фарқли ўлароқ жуда кам дуэт куйлайсиз?
Лола: Дуэт қўшиқларим кам деб ўйламайман. Тоҳир Содиқов, Сардор Раҳимхон, Шоҳруҳхон билан куйлаган қўшиқларимиз бор. Яқинда мухлислар эътиборига яна бир янги дуэт қўшиғини ҳавола этамиз. Унинг айнан ким билан биргаликда ижро этилгани ҳозирча сир.
В жизне больше всего что цените?
Лола: В жизни я больше всего ценю саму жизнь. Те моменты, которые уже не вернуть. Нужно жить и дорожить настоящим.
Енг яхши савол эгалари:
Латофатли Лола суҳбатни ҳар доимгидек самимий кўринишда ўтказди. Интервюда қатнашган мухлислари билан худди яқин қадрдонлардек суҳбатлашиб, якунда улар билан илиқ хайрлашди.Эслатиб ўтамиз, «Мулоқот» сайтлар тармоғи хонанда ва актриса Лолага «Юлдуз» ҳайкалчасини тақдим этган эди. Кўп сонли мухлислари каби, биз ҳам унга соғлик ва ижод йўлида омад тилаймиз.
Изоҳ (0)