Севара Назархон ўзининг янги клипида «кўринмас» пардозда намоён бўлди

Севара Назархон «Мен у ерда йўқман» («Там нет меня») деб номланган қўшиғига ишланган клипни тақдим этди.

«Монтаж ишлари, ва ниҳоят тугади», — деб ёзади Севара ўзининг Facebook’даги саҳифасида.

Тарона мусиқаси И. Николаевга тегишли, сўзларини П. Жагун-Линник ёзган. Клип режиссёри эса Баҳодир Йўлдошев.

Кеча, 17 апрель куни Youtube’га жойланган видеоклипни айни пайтгача 7844 киши томоша қилган.

Клип табиат қўйнида суратга олинган. Унда тоғлар, ўрмонлар ва океан манзарасидан баҳраманд бўлиш мумкин. Севаранинг ўзи эса доимгидек оддий кўринишда намоён бўлган. У соддагина оқ кўйлак ва «кўринмас» пардоз билан «қуролланган».