Ўзбекистонда энг катта русча-ўзбекча луғат чоп этилди

Яқинда Ўзбекистонда сўнгги йиллар ичида энг катта русча-ўзбекча луғат чоп этилди. Бу ҳақда Uzbekistan Today хабар берди.

Ушбу икки жилдли луғат расман 1983—1984 йилларда чиқарилган китобнинг қайта ишланган версияси бўлса-да, тамоман янги нашр ҳисобланади.

Луғатдан эскирган сўзлар олиб ташланган. Уларнинг ўрнига янги лексик бирликлар ҳақида 3460 та луғат мақолалари ва 4000 дан ортиқ кўргазмали материаллар киритилган.

Бундан ташқари, бор сўзларга 1060 та янги маънолар қўшилган, 1070 та сўзга янги изоҳ берилган, 7000 дан ошиғи таҳлил қилинган.