«Мой Мир» ижтимоий тармоғи бепул кинотеатрни ишга туширади

Mail.Ru Group компанияси «Мой Мир» ижтимоий тармоғида якшанба кунлари бепул фильмлар намойиши хизматини ишга туширади. Бу ҳақда компания матбуот хизмати хабар берди.

«Якшанба кинотеатри» хизмати ёрдамида ижтимоий тармоқда биринчи мартда фильмларнинг қонуний кўчирмаларини томоша қилиш мумкин бўлади. Янги фильмлар »Мой Мир» платформасида ярим тунда пайдо бўлади, уларни бутун якшанба давомида кўриш мумкин. Агарда фойдаланувчи фильмни 23:30 да кўришни бошлаган бўлса, уни бемалол охиригача етказа олади, ярим тунда намойишни бошлаш функциясигина ишламай қолади.

«Мой Мир»да фойдаланувчиларнинг видеолавҳалари жойлаштириладиган «Video@Mail.Ru» сервиси ишлайди, қонуний фильм ва сериалларни эса «Afisha@Mail.Ru» хизмати доирасида томоша қилиш мумкин.

«Якшанба кинотеатри» 9 май куни Фёдор Бондарчукнинг «Сталинград» ҳарбий драмаси намойиши билан ўз ишини бошлайди.