Samsung Electronics компанияси келажакдаги янги авлод электрон қурилмалари учун зарур бўладиган камёб графен материалини ҳосил қилишнинг инқилобий усулини ўйлаб топганини маълум қилди.
HabraHabr хабар беришича, графен замонавий электроникада қўлланиладиган кремний моддасини ярим ўтказувчанлик хусусиятлари билан ортда қолдиради. У пўлатдан мустаҳкам, юқори даражада иссиқлик ва электр ўтказувчанлик хусусиятига эга ва эгилувчан ҳамдир. Бу яқин келажакда ундан эгилувчан дисплей ва тақиладиган қурилмалар ишлаб чиқаришда фойдаланиш имконини беради.
Samsung етакчи технологиялар институти (SAIT) катта юзага эга монокристалли графенли пластиналар ишлаб чиқариш усулини ишлаб чиқди. Дунёнинг етакчи муҳандислари бу борада авваллари турли муаммога дуч келган ва муваффақиятга эриша олмаган эди.
Янги усул графен пластиналарини материалнинг электрик ва механик хусусиятларини сақлаб қолган ҳолда ягона кристаллга синтезлаш имконини беради. Бундай самарали технология ёрдамида ягона ярим ўтказувчи тагликдан кўп марта монокриссталл графен олиш мумкин.
Изоҳ (0)