“Moy Mir” ijtimoiy tarmog‘i bepul kinoteatrni ishga tushiradi

Mail.Ru Group kompaniyasi “Moy Mir” ijtimoiy tarmog‘ida yakshanba kunlari bepul filmlar namoyishi xizmatini ishga tushiradi. Bu haqda kompaniya matbuot xizmati xabar berdi.

“Yakshanba kinoteatri” xizmati yordamida ijtimoiy tarmoqda birinchi martda filmlarning qonuniy ko‘chirmalarini tomosha qilish mumkin bo‘ladi. Yangi filmlar ”Moy Mir” platformasida yarim tunda paydo bo‘ladi, ularni butun yakshanba davomida ko‘rish mumkin. Agarda foydalanuvchi filmni 23:30 da ko‘rishni boshlagan bo‘lsa, uni bemalol oxirigacha yetkaza oladi, yarim tunda namoyishni boshlash funksiyasigina ishlamay qoladi.

“Moy Mir”da foydalanuvchilarning videolavhalari joylashtiriladigan “Video@Mail.Ru” servisi ishlaydi, qonuniy film va seriallarni esa “Afisha@Mail.Ru” xizmati doirasida tomosha qilish mumkin.

“Yakshanba kinoteatri” 9-may kuni Fyodor Bondarchukning “Stalingrad” harbiy dramasi namoyishi bilan o‘z ishini boshlaydi.