Facebook ижтимоий тармоғи мобил фойдаланувчилар учун янги «Яқиндаги дўстлар» (Nearby Friends) функциясини тақдим этди. У смартфон орқали дўстларнинг жойлашган жойини билишга ёрдам беради. Бу ҳақда «ИТАР-ТАСС» хабар берди.
Сервис яқин ҳафталар ичида Apple iOS ва Google Android операцион тизимларидаги Facebook дастурида пайдо бўлади. Ундан фақат АҚШликлар фойдаланиши мумкин. Қолган фойдаланувчилар бу янгиликдан қачон баҳраманд бўлиши номаълум.
Функция ишга туширилганида айни пайтда фойдаланувчига яқин жойда бўлган дўсти ҳақида хабарнома келади. Ўзининг турган жойи ҳақидаги маълумотни кимлар билан бўлишишни фойдаланувчининг ўзи белгилайди. Ижтимоий тармоқдаги дўстларига ўзининг қаердалигини билдиришни хоҳламаган фойдаланувчи ушбу функцияни ўчириб қўйиши мумкин.
Изоҳ (0)