Украина бош вазири Яценюк маҳаллий референдумлар ҳақида қонун қабул қилинишини ёқлаб чиқди
Олий рада томонидан Украина бош вазири этиб тайинланган Арсений Яценюк маҳаллий референдумлар ўтказиш тўғрисида қонун қабул қилиш лозимлигини айтди. Бу ҳақда «Островь» нашри маълумотига асосланиб Gazeta.ru хабар қилди.
Бош вазирнинг сўзларига кўра, Украина Олий радаси бу борада қонун қабул қилиши керак. Яценюкнинг фикрича, Умумукраин референдуми ҳақидаги қонунга ҳам бу билан боғлиқ ўзгартишлар киритилиши даркор.
Эслатиб ўтамиз, ҳозирда мамлакатнинг кўп ҳудудларида россияпарастлар Киев ҳукуматига бўйсунишни истамай, норозилик намойишлари уюштириб, алоҳида ажралиб чиқиш масаласини кўтариб чиқмоқдалар. Жумладан, Донецк вилоят кенгаши депутатлари Донецк халқ республикасининг давлат мустақиллигини эълон қилган ва ҳудуднинг Россия таркибига қўшилиши масаласи бўйича 2014 йил 11 майдан кечиктирмасдан референдум ўтказишга қарор қилган эдилар.
