1-avgust kuni Andijon viloyati Baliqchi tumani hududidan o‘tgan 4R-112 avtomobil yo‘lining 104—105- km lar oralig‘ida yo‘l-transport hodisasi sodir bo‘ldi. Bu haqda Andijon viloyati IIB JXX Yo‘l harakati xavfsizligi boshqarmasi axborot xizmati xabar berdi.
Maʼlum qilinishicha, 1963-yilda tug‘ilgan T.A. Nexia-2 avtomobilini Baliqchi tumani markazidan boshqarib kelib (tuman sud binosi oldi, tartibga solingan chorraha), asosiy yo‘ldan harakatlanayotgan “ZIL-130” yuk avtomashinasini o‘tkazib yubormasdan, chap tarafga o‘tish uchun keskin burilgan.
Oqibatda “ZIL-130” haydovchisi tormoz bosishga ulgurmagan va Nexia-2 bilan to‘qnashgan.
YTH oqibatida Nexia-2 haydovchisi tuman shifoxonasida ko‘rsatilgan tibbiy muolajalarga qaramay olgan tan jarohati tufayli vafot etgan.
Mazkur holat yuzasidan Baliqchi tumani IIB Tergov bo‘limi xodimlari tomonidan tergovga qadar dastlabki surishtiruv ishlari olib borilmoqda.
Izoh (0)