“Manchester Siti” hujumchisi Erling Holand o‘z tug‘ilgan kuni munosabati bilan ijtimoiy tarmoqlarda olgan haqoratli xabarga kinoyali tarzda javob berdi.
Norvegiyalik yulduzga bir foydalanuvchi quyidagi nafratga to‘la so‘zlarni yozgan:
Umid qilamanki, sen bir kun kelib o‘lasan. Juda ahmoqsan, ko‘rinishing esa darbadarga o‘xshaydi. Borib o‘zingni o‘ldir.
Holand esa ushbu xabarga kinoyali tarzda javob qoldirdi:
Ajoyib tug‘ilgan kun tabrigi uchun rahmat, Uil! Umid qilamanki, ota-onang bu yozgan tabrigingdan faxrlanadi.
Keyinchalik xabar muallifi o‘z yozgan so‘zlaridan pushaymon bo‘lib, kechirim so‘radi:
Men juda ahmoqona so‘zlar yozdim. Bu mening asl shaxsimni aks ettirmaydi. Yozganlarim haqiqiy futbol muxlisiga xos emas.
Eslatib o‘tamiz, Erling Holand o‘tgan mavsumda barcha musobaqalarda 48 o‘yinda maydonga tushib, 34 ta gol va 5 ta golli uzatmaga mualliflik qilgan. Uning “Manchester Siti” bilan shartnomasi 2034-yilgacha amal qiladi. Transfermarkt portali hujumchining qiymatini 180 million yevro deb baholamoqda.
Izoh (0)