Bolgariya prezidenti Rumen Radev Shavkat Mirziyoyev taklifiga binoan 9-iyun kuni rasmiy tashrif bilan O‘zbekistonga kelgandi. 10-iyunda uni rasmiy kutib olish marosimi bo‘lib o‘tdi.
Prezident matbuot xizmatining xabar qilishicha, Ko‘ksaroy qarorgohi oldidagi maydonda ikki mamlakat davlat bayroqlari ko‘tarildi, faxriy qorovul saf tortdi. Prezident oliy martabali mehmonni qarshi olib, shohsupaga taklif etdi. Davlat madhiyalari yangradi. Harbiy orkestr sadolari ostida yetakchilar faxriy qorovul safi oldidan o‘tib, rasmiy delegatsiyalar a’zolarini qutladi.
Birgalikda suratga tushishdan so‘ng davlat rahbarlarining delegatsiyalar ishtirokidagi muzokaralari boshlandi.
Bolgariya prezidentini rasmiy kutib olish marosimidan lavhalar
-XONCrKde.avif)
-aJZWDIvq.avif)
-bnoszaQT.avif)
Tashrif dasturiga muvofiq, ikki mamlakat yetakchilarining muzokaralari, rasmiy va ishbilarmonlik tadbirlari o‘tkazilishi, qator ikki tomonlama bitimlar imzolanishi rejalashtirilgan. O‘zbekiston va Bolgariya prezidentlari o‘zaro manfaatli munosabatlarni yanada rivojlantirish, shu jumladan, tovar ayirboshlash hajmini oshirish, agrosanoat majmui, farmatsevtika tarmog‘i, konchilik, raqamlashtirish sohalarida kooperatsiyani yo‘lga qo‘yish, turizm va madaniy-gumanitar almashinuvlarni kengaytirish masalalarini ko‘rib chiqadi.
Bolgariya prezidenti Rumen Radev IV Toshkent xalqaro investitsiya forumida ham ishtirok etadi.
Izoh (0)