Bitta filmda o‘ynagan bo‘lsa-da, suratga olish maydonchasida bir-birini ko‘rmagan aktyorlar

Aktyorlar hayotida bir filmda rol ijro etib, turli sabablarga ko‘ra bir-biri bilan ko‘rishmagan holatlar ham uchrab turadi. Bunday holatlarga tig‘iz ish jadvali yoki pandemiya ham sabab bo‘lishi mumkin.

Jek Blek va Jeki Chan — “Kung-fu panda”

Boshqa ko‘plab katta byudjetli multfilmlar singari “Kung-fu panda”da Dastin Xofman, Anjelina Joli, Jeki Chan, Lyusi Liu, Set Rogen, Jek Blek, Ian MakShane, Maykl Klark Dunkan kabi kino olamining haqiqiy yulduzlari tomonidan ijro etilgan asosiy va yordamchi rollar mavjud.

Qizig‘i shundaki, Po ovozini bergan Jek Blek va usta Maymunga ovoz bergan Jeki Chan birinchi multfilm chiqqanidan to uchinchisiga qadar 10 yil davomida bir-birlarini ko‘rmagan. Dublyaj ustida ishlash ikki yoki undan ortiq aktyorning bir vaqtning o‘zida studiyada bo‘lishini talab qilmaydi, shuning uchun aktyorlarning jadvallari birinchi navbatda ular uchun qulay tuzilgan va shunday bo‘ldiki, uchta film davomida Jek Blekning jadvali Jeki Chan bilan mos kelmagan.

Sem Xyugan va Selin Dion — “Qaytadan sev”

“Qaytadan sev” komedik melodramasining byudjeti 9 million dollarni tashkil etadi, bu bunday film uchun mutlaqo normaldir. Lekin ajablanarlisi shundaki, bir nechta sahnalarda birga rol o‘ynagan Sem Xyugan va Selin Dion aslida turli joylarda suratga olingan va ularning kadrlari post-prodyuserlikda birlashtirilgan. Garchi film 2023-yilda ekranlarga chiqqan bo‘lsa-da, suratga olish ishlari 2020-yilning oktyabr oyida boshlangan.

Xyu Grant va Metyu Makkonaxi — “Jentlmenlar”

“Jentlmenlar”dagi eng yorqin yuzlar — Xyu Grant va Metyu Makkonaxi, ammo Gay Richi syujetni shunday qo‘yganki, ularning qahramonlari hech qachon yo‘llari kesishmagan. Shuning uchun Metyu va Xyu ham ssenariyni o‘qish paytidagi bir martadan tashqari, suratga olish maydonchasida umuman uchrashmagan. Xyu Grantning so‘zlariga ko‘ra, film premyerasidan oldin barcha aktyorlar bir xonaga yig‘ilib, ssenariyni o‘qib, hamma narsani muhokama qilgandagina uchrashishgan. Bundan tashqari, u yerda ham Grant va Makkonaxi gaplashmagan — ular bir-birlariga turli tomonlardan bosh irg‘ab qo‘ygan xolos.

Tom Holland va J.K Simmons — “O‘rgimchak odam: uyga yo‘l yo‘q”

“O‘rgimchak odam: uyga yo‘l yo‘q” filmini suratga olish 2020-yilda, odamlar ijtimoiy masofani saqlab, uyda qolishgan va niqob taqib yurgan paytda boshlangan. Suratga olish maydoncharida vaziyat yanada jiddiyroq edi, shuning uchun ko‘plab filmlar 2020 va 2021-yillarga qoldiriladi, shu jumladan “O‘rgimchak odam: uyga yo‘l yo‘q” filmi ham ikki marta qoldiriladi.

Tom Hollandning aytishicha, studiya aktyorlarning hech biri kasal bo‘lmasligi uchun suratga olish maydonchasiga imkon qadar kamroq yulduz to‘plashga harakat qilishadi. Garchi Holland deyarli har kuni suratga olish maydonchasida bo‘lsa-da, J.K. Simmonsni ko‘rolmaydi. Agar studiya ruxsat berganida, u sevimli aktyorlaridan biri bilan uchrashishi mumkin edi.

Jon Krasinski va Elizabet Olsen — “Doktor Strenj”

Janob Fantastika va Vanda Maksimoff rollarini ijro etgan Jon Krasinski va Elizabet Olsen bilan ham xuddi shunday vaziyat sodir bo‘ladi. Elizabetdan Jon bilan qanday ishladingiz, deb so‘rashganda, aktrisa uni ko‘rmaganini aytadi. Bundan kelib chiqadiki, ularning qahramonlari dialogga kirishgan bo‘lsa-da, bir-biriga tegmaydi va uzoqda turishadi, ya’ni bunday kadr uchun bir vaqtning o‘zida ikkita aktyorning ishtiroki talab qilinmaydi.