Qozog‘istonning Karaganda shahri janubi-sharqiy tumanida ayol avtobus bekatida farzand ko‘rdi. Ayol va chaqaloq tibbiyot muassasasiga yetkazildi. Bu haqda Karaganda.kz sayti xabar bermoqda.
Ma’lum qilinishicha, ijtimoiy tarmoqlarda Karagandadagi “TBS” bekatida ayolning farzand ko‘rgani haqida xabar tarqalgan.
Aniqlanishicha, kutilmagan tug‘ilish tushlik paytida, ayol avtobus kutayotganida yuz bergan. Guvohlarning aytishicha, tug‘uruq jarayoni juda tez boshlangan. Shu sababli ayol tug‘uruqxonaga yetib borishga ulgurmasdan, farzandini avtobus bekatida dunyoga keltirishga majbur bo‘lgan.
Atrofdagilar tez yordam сhaqirishgan, ayol hamda uning bolasi shifoxonaga yotqizilgan.
“Ko‘rsatilgan yordam natijasida ayol chaqalog‘i bilan Viloyat klinik kasalxonasining perinatal markaziga yotqizildi. Onaning ahvoli barqaror. Chaqaloq reanimatsiyada, ahvoli og‘ir, chunki u muddatidan oldin, homiladorlikning 34-haftasida tug‘ilgan”, deyiladi xabarda
2019-yilda Kiyevda joylashgan saylov uchastkalarining birida bir ayol farzand ko‘rgandi.
Izoh (0)