O‘zbekiston xususiy bog‘chalar narxi bo‘yicha dunyoda 127 ta davlat orasidan 62-o‘rinni egalladi, deb yozmoqda Ranking.
Numbeo maʼlumotlariga ko‘ra, 2025-yil 7-mart holatiga ko‘ra, O‘zbekistonda xususiy bog‘cha xizmatlari narxi bir bola uchun oyiga 295,3 dollarni tashkil qilgan. Narx-navo bo‘yicha O‘zbekiston dunyoda 127 mamlakat ichida 62-o‘rinni egalladi.
MDH mamlakatlari orasida xususiy bog‘chalar narxi quyidagi davlatlarda O‘zbekistondan arzon:
- Rossiya — 262,9 dollar;
- Ozarbayjon — 242,2 dollar;
- Qozog‘iston — 240,6 dollar;
- Qirg‘iziston — 190,3 dollar;
- Tojikiston — 104,3 dollar.
Quyidagilarda esa narxlar O‘zbekistondan ham qimmat:
- Ukraina — 296,9 dollar;
- Belarus — 299,3 dollar;
- Armaniston — 306,9 dollar;
- Moldova — 372,3 dollar.
Dunyoda xususiy bog‘cha bo‘yicha eng qimmat narx Shveysariya, Niderlandiya va Buyuk Britaniyada bo‘lsa, eng arzoni Bangladesh, Shri-Lanka va Pokistonda qayd etilgan.
Eng arzon restoranlar
Ranking O‘zbekiston 2025-yil boshida oziq-ovqat narxlari indeksida 139 mamlakat orasida 18-o‘rinni egallaganini ma’lum qilgandi. O‘zbekiston restoranlaridagi narxlar MDHda eng arzon deb topilgandi. 2025-yilga mo‘ljallangan restoran narxlari indeksi bo‘yicha mamlakatlar reytingida O‘zbekiston 139 ta davlat orasida 17-o‘rinni olgandi. Sutli qahva ichimligi — kapuchino arzonligi bo‘yicha O‘zbekiston dunyoda 126 ta davlat orasida 15-o‘rinni egallagandi.
Eng arzon kiyim-kechaklar
Shuningdek, O‘zbekiston jinsilarning arzonligi bo‘yicha dunyo bo‘yicha 98 ta mamlakat ichida 21-o‘rinni, erkaklar charm poyabzali bo‘yicha — 72, krossovkalar bo‘yicha — 84, yozgi ko‘ylaklar bo‘yicha — 75-o‘rinni egallaganini ham ma’lum qilgandi.
