Amitabh Bachchan, Shohruh Xon va teleboshlovchilik uchun katta gonorar oladigan Bollivud yulduzlari (foto)

Salmon Xon Hindistonning eng “qimmat” teleboshlovchisi hisoblanadi. Istalgan film yoki shouni xit darajasiga olib chiqish uchun mashhur ism-sharifining o‘zi yetarli bo‘ladi. Shuning uchun ham teleshou mualliflari aktyorga u talab qilgan summani to‘lashga tayyor turishadi. Ijodkor “Katta boss” shousidagi ishtiroki uchun 11 kror miqdorida haq olgan. Bu yili esa mazkur shouning har bir epizodi uchun aktyorga 14 krordan haq to‘lanmoqda. “Katta boss” shousining mashhurlikka erishishida asosiy rolni Salmon Xon o‘ynagan. Uning shoudagi ishtiroki muxlislar uchun har doim qiziq bo‘lgan. Aktyor shoudagi nizolarni mahorat bilan bartaraf etadi, raqiblarga qimmatli tavsiyalar beradi va dam olish kunlari ishtirokchilarning nomaqbul xatti-harakatlarini birma-bir sanab chiqadi.

Amitabh Bachchan (5 kror, taxminan 500 000 dollar)

Hindistonliklar sevib tomosha qiladigan eng mashhur shoulardan biri – Kaun Banega Krorepati  Sony TV orqali efirga uzatiladi va uning ommalashib ketishiga katta hissa qo‘shgan inson – Amitabh Bachchan hisoblanadi. Aktyorning saʼy-harakatlari bilan shou mamlakatda katta mashhurlikka erishgan. Ijodkor oddiy odamlar bilan muloqot qilib, ularni beixtiyor shouda ishtirok etishga undaydi. Amitabh Bachchan shouning har bir epizodi uchun 5 krordan haq oladi. Aytishlaricha, mazkur shouning mashhurligini boshqa hech bir inson janob Bachchan kabi yuqori darajada “ushlab turolmaydi”.

Shohruh Xon (3 kror, taxminan 300 000 dollar)

Bollivud qiroli shu kunga qadar ko‘plab yirik televizion shoularga boshlovchilik qilgan. Ular orasida Paanchvi Pass Se Tej Hai, Kaun, Banega Crorepati, Zor Ka Jhatka kabi mashhur loyihalar bor. Biroq aktyor boshlovchilik faoliyati uchun eng ko‘p miqdordagi gonorarni o‘tgan yili Ted Talks India shousidagi ishtiroki uchun olgan. Ijodkorga har bir epizod uchun 3 krordan haq to‘langan.

Amir Xon (3 kror, taxminan 300 000 dollar)

Amir Xon tomonidan asos solingan Satyamev Jayate tok-shousi televideniyedagi haqiqiy voqealarni ommaga namoyish etish va jamiyatdagi zo‘ravonlikka qarshi kurash mavzusini yoritish bilan shug‘ullanadi. Maʼlumotlarga ko‘ra, Amir Xon shouning har bir epizodi uchun 3 krordan haq olgan va uni xit darajasiga ko‘targan.

Akshay Kumar (1.5 kror, taxminan 150 000 dollar)

Muxlislar Akshay Kumarni ekran orqali teleboshlovchi sifatida ko‘rmaganlariga ancha bo‘ldi. U ijodiy faoliyati davomida Master Chief India, Hatron Ke Hiladi shoulariga boshlovchilik qilgan. Ijodkor ushbu shou dasturlarining har bir epizodi uchun 1.5 krordan haq olgani maʼlum. Afsuski, Akshay Hindistonning eng mashhur aktyorlaridan biri bo‘lishiga qaramay, ushbu dasturlar xit darajasigacha ko‘tarilmagan.