“Napoli” hujumchisi Viktor Osimhen Afrikada yilning eng yaxshi futbolchisi deb topildi.
Nigeriyalik futbolchi ovoz berish jarayonlarida Muhammad Saloh hamda Ashraf Hakimini ortda qoldirdi.
Osimhen 2022/23-yilgi mavsum “Napoli” safida Italiya chempioni bo‘ldi hamda 26 ta gol bilan turnir to‘purariga aylandi. Forvard Nigeriya safida 10 ta golga mualliflik qildi.
“Al-Hilol” va Marokash terma jamaosi darvozaboni Yassin Bunu Afrikada yilning eng yaxshi posboni deb topildi. Shuningdek, sovrin uchun Andre Onana (“Manchester Yunayted”, Kamerun) va Muhammad ash-Shenavi (“Al-Ahli”, Misr) kabi kiperlarning nomzodi qo‘yilgandi.
Marokash terma jamoasi bilan Qatarda bo‘lib o‘tgan JCH—2022 yarim finaliga qadar yetib borgan Valid Regragi yilning eng yaxshi murabbiyi sovrinini qo‘lga kiritdi.
Izoh (0)