Fransiyalik futbolchi Karim Benzema “Al-Ittihod” a’zosiga aylandi. Bu haqida klub matbuot xizmati ma’lum qildi.
Saudiyaliklar Benzema bilan 2026-yilgacha mo‘ljallangan shartnoma imzoladi.
Avvalroq, fransuz “Al-Ittihod” tarkibida 2 yilda 200 million yevro ishlab topishi xabar qilingandi.
Ma’lumot uchun, Karim “Lion” tarbiyalanuvchisi bo‘lib, 2009-yilda “Real” safiga kelib qo‘shilgandi. Fransiyalik futbolchi “Qirollik klubi” safidagi 14 yil davomida 25 ta sovringa ega chiqdi. Ular orasida 5 ta Chempionlar Ligasi sovrini va 4 ta La Liga chempionligi bor. 2022-yilda Benzema “Oltin to‘p”ga ega chiqdi.
Benzema Madrid jamoasi safida 648 ta o‘yin o‘tkazib, 354 ta gol urishga muvaffaq bo‘ldi. “Real” tarixida faqat Krishtianu Ronaldu (450) undan ko‘p gol urgan.
Izoh (0)