U-20 Osiyo Kubogi—2023. O‘zbekiston penaltilar seriyasida Avstraliyani mag‘lub etib, yarim finalga yo‘l oldi

Futbol bo‘yicha 20 yoshgacha bo‘lgan futbolchilar o‘rtasidagi Osiyo Kubogi—2023 chorak finalida O‘zbekiston 11-mart, shanba kuni Avstraliya yoshlariga qarshi bahs olib bordi.

Uchrashuvning birinchi bo‘limida xavfli vaziyatlar bo‘lishiga qaramasdan, hisob ochilmadi. Ikkinchi bo‘limda esa shiddatli o‘yin davom etdi. 77-daqiqada Gabriel Popovich avstraliyaliklarni hisobda oldinga olib chiqdi. Oradan 2 daqiqa o‘tib, Zafarmurod Abdurahmatov muvozanatni tikladi. Qolgan daqiqalarda gol urilmadi va jamoalar qo‘shimcha bo‘limlarga yo‘l oldi.

Qo‘shimcha bo‘limlarda ham 1:1 hisobi saqlanib qoldi va g‘olib nomi penaltilar seriyasida aniqlanadigan bo‘ldi.

U-20 Osiyo Kubogi—2023

Chorak final bahsi

11-mart, shanba

O‘zbekiston U-20 — Avstraliya U-20 1:1 (4:5)

Penaltilar seriyasi: 4:5

O‘zbekiston U-20: 21. Otabek Boymurodov, 3. Abduqodir Husanov, 6. Jahongir O‘rozov, 7. Po‘latxo‘ja Xoldorxonov, 8. Behruzbek Asqarov (4. Abubakr Ashurov, 113), 10. Umarali Rahmonaliyev, 13. Zafarmurod Abdurahmatov (2. Izzatullo Po‘latov, 94), 14. Abbosbek Fayzullayev, 15. Diyorbek Ortiqboyev (17. Nodirbek Abdurazzoqov, 118), 20. Mahmudjon Mahamadjanov, 22. Sherzod Esanov (11. Shahriyor Jabborov, 64).

Avstraliya U-20: 1. Jek Varshavski, 2. Joshua Roulins, 3. Nektarios Triantis, 4. Kris Donnell (16. Jeyk Gerdvud-Rayx, 102), 7. Bernardo Oliveyra (17. Eydan Simmons, 61 (22. Jin Ris, 99), 8. Alessandro Lopane, (19. Archi Gudvin, 90+2) 9. Gabriel Popovich (11. Rafael Rodriges, 102), 10. Adrian Segechich, 13. Panashe Madanya, 15. Jozef Ford, 21. Jed Dryu (20. Aleksandr Badolato, 61).

Ogohlantirish: Nektarios Triantis (45), Aleksandr Badolato (90+3).