Bugun,

  • USD 11095.31
  • RUB 173.84
  • EUR 10772.44

Ijtimoiy tarmoqlarda Angren shahar prokurorining o‘qituvchilar yaqinda darslar boshlanadigan maktab yo‘laklarini qordan tozalamaganini tanqid qilgani eks etgan video tarqalib, muhokamalarga sabab bo‘ldi. Maktabgacha va maktab ta’limi vazirligi holatga munosabat bildirdi.

Foto: Videodan kadr

Foto: Videodan kadr

Videoda prokuror “Mana, umuman tozalanmagan. O‘qituvchilariyam yo‘q, oylik olib yotishibdi bekordan-bekor”, — deb aytgan va tozalanmagan yo‘llarni ko‘rsatgan.

Maktabgacha va maktab ta’limi vazirligi pedagog xodimlarni xizmat majburiyati bilan bog‘liq bo‘lmagan ishlarga jalb qilish taqiqlanganini bildirib, tarqalgan videolavha Bosh prokuraturaga yuborilgani va holat hozirda o‘rganilayotganini ma’lum qildi.

“Jamiyatda o‘qituvchining obro‘sini oshirishni har birimiz o‘zimizdan boshlashimiz lozim. Bu borada kattalar yoshlarga o‘rnak bo‘lishi va har doim  barchamizga bilim bergan ustozlarga hurmat bilan muomalada bo‘lishimiz shart”, — deyiladi munosabatda.

Vazirlik Shavkat Mirziyoyev tomonidan o‘qituvchilar nufuzini oshirish borasida qator topshiriqlar berilgani va “O‘qituvchini hurmat qilmaganni men ham hurmat qilmayman” degan gaplarini ham eslatib o‘tgan.

“ ‘Zo‘rlab ishlatish yoki majburiy mehnat to‘g‘risida’gi Konvensiyaning 6-moddasiga asosan ma’muriyat amaldorlari, hatto ularning vazifasi ularga ishonib topshirilgan aholini qandaydir mehnat shakli bilan band qilishga ko‘maklashishdan iborat bo‘lsa-da, ushbu aholi yoki alohida shaxslarni xususiy shaxslar, kompaniyalar yoki tashkilotlar uchun ishlashga majbur qilishi mumkin emasligi belgilangan.

Bundan tashqari, Vazirlar Mahkamasining ‘O‘zbekiston Respublikasida majburiy mehnatga barham berishga doir qo‘shimcha chora-tadbirlar to‘g‘risida’ 2018-yil 10-maydagi qaroriga muvofiq Bosh prokuraturaga O‘zbekiston hududida majburiy mehnatga yo‘l qo‘ymaslik sohasidagi qonun hujjatlariga rioya etilishi yuzasidan nazoratni kuchaytirish, bu boradagi tekshiruvlar samaradorligini oshirish va majburiy mehnat holatlari aniqlanganda esa aybdor shaxslarga nisbatan tegishli javobgarlik choralarini qo‘llash tavsiya etilganini eslatib o‘tamiz”, — deyiladi munosabatda.

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi