Bugun,

  • USD 11095.31
  • RUB 173.84
  • EUR 10772.44

Vyetnam prezidenti Nguyen Suan Fuk iste’foga chiqdi, deb xabar beradi VN Express onlayn-gazetasi.

Nguyen Suan Fuk

Nguyen Suan Fuk
Foto: Getty Images

Nguyen Suan Fuk o‘z lavozimidan ketdi, deyiladi gazeta xabarida. Vyetnam Kommunistik partiyasi Markaziy qo‘mitasi uning Siyosiy byuro a’zosi, 13-chaqiriq partiya MQ a’zosi va prezident lavozimlaridan iste’foga chiqishiga rozilik berdi.

“Partiya va xalq oldidagi o‘z mas’uliyatini anglagan holda, u o‘zi tayinlangan lavozimlardan ketish va pensiyaga chiqish haqida ariza berdi”, — deyiladi partiya MQ xabarida. O‘z lavozimida Nguyen Suan Fuk mamlakatni boshqarish va COVID-19 ga qarshi kurash uchun “katta kuch sarflagani” hamda muhim natijalarga erishgani aytiladi.

U rahbarlik qilgan vaqtda mamlakatning mansabdor shaxslari, shu jumladan, bosh vazirning ikki o‘rinbosari va uch vazir “jiddiy oqibatlarga olib kelgan qonun buzilishlariga yo‘l qo‘ygan”. Vazir o‘rinbosarlari iste’fo bergan, ikki vazir va ko‘plab mansabdorlar jinoiy javobgarlikka tortildi, deyiladi MQ xabarida.

Vyetnam konstitutsiyasiga ko‘ra, prezident davlat rahbari bo‘lib, ichki va tashqi masalalarda mamlakatga vakillik qiladi. Prezident Vyetnam Milliy majlisi tomonidan deputatlar orasidan oliy davlat organi hisoblanuvchi ushbu majlisning vakolatlari muddatiga saylanadi. Milliy majlis ham Nguyen Suan Fukning prezident lavozimidan iste’foga chiqishini ma’qullashi kerak bo‘ladi. Reuters xabariga ko‘ra, Milliy majlis shu hafta “yuqori mansabli amaldorlar” iste’fosini ratifikatsiya qilish uchun navbatdan tashqari yig‘ilish o‘tkazadi.

Nguyen Suan Fuk 2016—2021-yillarda Vyetnam bosh vaziri lavozimida ishlagan, shundan keyin mamlakat prezidenti etib saylangan.

Izoh
Asosiy yangiliklar
Dunyo
Qirg‘izistonda 9 kishida “Seftriakson”ga allergik reaksiya kuzatildi, bir kishi vafot etdi
Mahalliy
Oʻzbekiston energetikasi: ortayotgan talab, taqchillik va koʻrilayotgan choralar haqida
Maslahatlar
Shirinliklar o‘rniga nima iste’mol qilish mumkin? Qaddi-qomatga zararsiz tavsiyalar