Toshkent shahri Yangihayot tumanida 31-dekabr kuni ko‘p qavatli binoda yong‘in sodir bo‘ldi. Bu haqda tuman hokimligi axborot xizmati xabar berdi.
Qayd etilishicha, ayni vaqtda tumanning “Olchazor” mahallasidagi ko‘p qavatli uylarning 12-qavati balkon qismida (5 kvadrat/metr joy) yong‘in kelib chiqqan.
Voqea joyiga tuman favqulodda vaziyatlar bo‘limi xodimlari yetib kelgan va yong‘in zudlik bilan bartaraf etildi. Tuman hokimi va sektor rahbarlari tomonidan ham hozirda vaziyat nazoratga olingan.
“Yong‘in oqibatida jabrlanganlar yo‘q. Yong‘in kelib chiqish sababi hozirda ma’lum emas. Hurmatli fuqarolar. Barchangizdan favqulodda vaziyatlarni keltirib chiqaruvchi holatlarni oldini olishga va ogoh bo‘lishga chaqiramiz”, — deyiladi xabarda.
Mavzuga doir:
Izoh (0)