Bugun,

  • USD 11095.31
  • RUB 173.84
  • EUR 10772.44

O‘zbekiston va Serbiya Tashqi ishlar vazirliklari o‘rtasida 14-dekabr kuni videokonferensiya shaklida iqtisodiy maslahatlashuvlar bo‘lib o‘tdi. Bu haqda vazirlik axborot xizmati xabar berdi.

Foto: Tashqi ishlar vazirligi

Foto: Tashqi ishlar vazirligi

Qayd etilishicha, unda O‘zbekiston tomonidan tashqi ishlar vazirining birinchi o‘rinbosari Furqat Sidiqov ishtirok etdi. Serbiya tomoniga tashqi ishlar vaziri o‘rinbosari Yagoda Lazarevich boshchilik qildi. Maslahatlashuvlarda savdo-iqtisodiy va investitsiyaviy, shuningdek, innovatsion va axborot-kommunikatsiya texnologiyalari sohalarida ikki tomonlama hamkorlikning holati va istiqbollari yuzasidan fikr almashildi.

Ikki mamlakat tadbirkorlik subyektlari o‘rtasida to‘g‘ridan to‘g‘ri aloqalarni o‘rnatish va kengaytirish, uning barcha imkoniyatlaridan foydalangan holda qo‘shma investitsiyaviy loyihalarni amalga oshirish orqali iqtisodiy diplomatiyani chuqurlashtirishga alohida e’tibor qaratildi.

Maslahatlashuvlar chog‘ida O‘zbekiston—Serbiya hamkorligining shartnomaviy-huquqiy bazasini, jumladan, savdo-iqtisodiy sohada tegishli va amaliy ahamiyatga ega hujjatlar orqali kengaytirish masalalari ham muhokama qilindi.

Ishbilarmonlik aloqalarini faollashtirish maqsadida tomonlar 2023-yilda Belgradda Made in Uzbekistan nomi ostida O‘zbekiston mahsulotlari ko‘rgazmasini o‘tkazish, Serbiya savdo missiyasining yirik to‘qimachilik va oziq-ovqat ko‘rgazmalarida ishtirok etish uchun O‘zbekistonga tashrifini tashkil etish, O‘zbekiston—Serbiya savdo uyini ta’sis etish masalalarini ishlab chiqishga kelishib oldi.

Mavzuga doir:

Izoh
Asosiy yangiliklar
Sport
Tata Steel Chess 2023. Nodirbek Abdusattorov amerikalik raqibi bilan durang o‘ynadi va hamon musobaqa peshqadami bo‘lib turibdi. Javohir Sindorovda ham durang
Mahalliy
Surxondaryodan topilgan ayiq bolasi zooparkka topshirildi
Mahalliy
O‘zbek tili darsligida musiqa asboblari nomi xato yozilgani aytildi (video)