Bugun,

  • USD 11095.31
  • RUB 173.84
  • EUR 10772.44

AQSHda respublikachi senator Marko Rubio Xitoyning TikTok qisqa videolar servisini taqiqlovchi qonun loyihasini taqdim etdi. Hujjat mualliflari ushbu ijtimoiy tarmoqdan amerikaliklarga qarshi josuslikda foydalanilishi mumkinligidan xavotirlanmoqda. Bu haqda senator saytida xabar berildi.

Foto: Getty Images

Foto: Getty Images

Qonun loyihasi Xitoy va Rossiya tomonidan nazorat qilinadigan yoki ularning ta’siri ostidagi har qanday ijtimoiy tarmoq dasturlariga qarshi qaratilgan. Rubio Xitoy qonunchiligi bo‘yicha TikTok’ning bosh kompaniyasi ByteDance Xitoy Kommunistik partiyasiga ma’lumotlarni taqdim etishi shartligini eslatdi.

“Federal hukumat AQSH foydalanuvchilarini TikTok tahdididan himoya qilish uchun hali biror muhim chora ko‘rmagan. Gap ijodiy videolar haqida emas, balki har kuni o‘n millionlab amerikalik bolalar va kattalar haqida ma’lumot to‘playdigan dastur haqida ketmoqda. Biz bundan xabarlarni manipulyatsiya qilish va saylovlarga ta’sir o‘tkazish uchun foydalanilayotganini bilamiz. Bu Xitoy Xalq Respublikasining javobi ekanidan xabarimiz bor”, — dedi senator.

Vakillar palatasida tashabbusni respublikachi Mayk Gallaxer va demokrat Raja Krishnamurti qo‘llab-quvvatladi.

2020-yilda AQSHning o‘sha paytdagi prezidenti Donald Tramp TikTok va WeChat dasturlarini yuklab olishni taqiqlamoqchi bo‘lgandi. U TikTok amerikaliklarning maxfiy ma’lumotlarini Xitoyga uzatayotgani va shu bilan mamlakat milliy xavfsizligiga tahdid solayotgani haqida gapirgan. Dasturlar AQSHda App Store va Google Play’dan olib tashlanishi kerak edi. TikTok Amerika biznesiga sotilgan taqdirdagina mamlakatda to‘liq blokirovkadan qutulib qolishi mumkin edi.

Biroq, keyinchalik rasmiylar Jo Bayden g‘alaba qozongan noyabr oyidagi prezidentlik saylovlari yakunlariga ko‘ra mamlakatda TikTok faoliyatiga cheklovlar joriy etishni kechiktirdi.

Izoh
Asosiy yangiliklar
Mahalliy
Toshkentda 12 yoshli qizning murdasi zo‘rlik va qotillik alomatlari bilan topildi
Mahalliy
Andijondagi zapravkada navbatsiz kirishga uringan haydovchi bir necha IIB xodimlari tomonidan ushlandi (video)
Iqtisodiyot
O‘zbekistonda narxlarning o‘sishi sur’ati yanvar oyida pasaya boshladi