Bugun,

  • USD 11095.31
  • RUB 173.84
  • EUR 10772.44

Rossiya Ukrainada olib borayotgan urush Yevropa mamlakatlarida va ularning Rossiya bo‘yicha strategik hisob-kitoblarida zaifliklar borligini ko‘rsatdi, dedi Finlyandiya bosh vaziri Sanna Marin.

Foto: Getty Images

Foto: Getty Images

“Men sizga ro‘yi-rost gapiraman, bor haqiqatni aytaman. Yevropa hozir yetarlicha kuchli emas. AQSHsiz biz muammolarga duch kelgan bo‘lardik”, — dedi Marin Avstraliyaga tashrifi chog‘ida Sidneydagi Loui instituti tahlil markazida nutq so‘zlayotib.

Bosh vazirning so‘zlariga ko‘ra, Ukrainani urushda g‘alaba qozonish uchun “talab etiladigan hamma narsa bilan” ta’minlash zarur, ayni vaqtda esa Yevropaning o‘z mudofaa salohiyatini ham oshirish kerak.

“Biz Yevropa mudofaasiga oid imkoniyatlarni, Yevropa mudofaa sanoatini oshirayotganimizga ishonch hosil qilib, turli vaziyatlarni eplay olishimizga amin bo‘lishimiz kerak”, — deya ta’kidladi Marin.

Avvalroq AQSH Davlat departamenti Finlyandiyaga 323,3 million dollarlik qurol sotishni ma’qullagan, Pentagonning Mudofaa xavfsizligi bo‘yicha hamkorlik agentligi qaror haqida Kongressni xabardor qilgan edi.

Gap Finlyandiyaga 40 ta taktik raketalar va to‘rtta AIM 9X Block II boshqaruv moslamalari, shuningdek, 48 ta AGM-154 Joint Stand Off Weapons boshqariladigan bombalar va tegishli jihozlarni yetkazib berish haqida bormoqda.

AQSH prezidenti ma’muriyati ushbu bitimni Qo‘shma Shtatlar va uning ishonchli hamkori Finlyandiyaning milliy xavfsizligini ta’minlash uchun “o‘ta zarur” deb atadi. Buning ortidan Finlyandiya “havo-havo” va “havo-yer” sinfidagi qurollarini yaxshilaydi.

May oyida Finlyandiya Shvetsiya bilan birgalikda NATOga a’zo bo‘lish uchun ariza bergan va o‘z qarorini Ukrainada harbiy harakatlarning boshlanishi bilan bog‘lagan. Turkiya va Vengriya bu qarorga qarshi chiqdi: Anqara, xususan, ikkala nomzod davlatni terrorizmga yordam berishda aybladi. Yakunda tomonlar Xelsinki va Stokgolm “Kurdiston ishchilar partiyasi” a’zolarini Turkiyaga ekstraditsiya qilishi va kurd tuzilmalari bilan bog‘liq barcha tashkilotlarni yopishi nazarda tutilgan kelishuvga erishdi.

Keyinchalik Vengriya bosh vaziri Viktor Orban yangi nomzodlarni qo‘llab-quvvatlashga va’da berdi, biroq Turkiya tashqi ishlar vaziri Mevlut Chavusho‘g‘li Shvetsiya va Finlyandiyaga qarshi qolgan da’volarini e’lon qildi. “Ular ekstraditsiya va qonuniy nizomlarga oid umidlarni oqlamadi”, — deb tushuntirdi u.

Izoh
Asosiy yangiliklar
Dunyo
Turkiya va Suriyadagi zilzila nega halokatli oqibatlarga olib keldi?
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Mahalliy
Shavkat Mirziyoyev harbiy xizmatga navbatdagi chaqiruv bo‘yicha qarorni imzoladi