Bugun,

  • USD 11095.31
  • RUB 173.84
  • EUR 10772.44

ISHID yetakchisi Abu al-Hasan al-Hoshimiy al-Qurayishiy Suriyaning Jasim shahrida jangarilar bilan kurash chog‘ida qurshovga tushib qolgach, o‘zini tarafdorlari bilan birga portlatib yuborgan. Bu oktabr o‘rtalarida yuz bergan, deb yozadi Reuters o‘z manbalariga tayanib.

Foto: EPA

Foto: EPA

Agentlik manbalariga ko‘ra, Abu al-Hasan al-Hoshimiy al-Qurayishiy maxfiy uylardan birida saqlanayotganida qamalga olingan. Uni topib olishgach, tarafdorlari bilan birga xudkushlik kamarlarini portlatgan. ISHID yacheykasini qurshovga olgan jangarilar qaysi guruhga tegishli bo‘lganiga agentlik manbalari aniqlik kiritmagan.

Avvalroq ISHID o‘z yetakchisi Abu al-Hasan al-Hoshimiy al-Qurayishiy Iroqdagi jang chog‘ida halok bo‘lganini ma’lum qilgandi. Pentagon da’vo qilishicha, uni “Suriya ozod armiyasi” yo‘q qilgan.

Al-Hasanning o‘limi haqida 30-noyabr kuni kechqurun ISHID vakiliga tayanib Reuters xabar bergandi. Uning o‘rnini Abu al-Husayn al-Husayniy al-Qurayshiy egallagan.

Al-Hasan 2021-yilning fevral oyida terror tashkilotning so‘nggi rahbari Abu Ibrohim al-Hoshimiy al-Qurayishining o‘limidan so‘ng ISHIDga rahbarlik qilgan. Al-Hoshimiy AQSH harbiylari tomonidan Suriya shimoli-g‘arbida o‘tkazilgan maxsus operatsiya davomida yo‘q qilingandi.

“Al-Arabiya” nashrining yozishicha, Abu al-Hasan al-Hoshimiy Suriya va Iroqdagi ISHID nazorati ostidagi hududlarda ta’lim bilan shug‘ullangani uchun “ISHID professori” laqabini olgan. Reuters agentligi Iroq va G‘arb xavfsizlik xizmatlaridagi manbalarga tayanib, al-Hasan 2019-yilda o‘ldirilgan ISHID yetakchisi Abu Bakr al-Bag‘dodiyning ukasi ekanini ma’lum qildi.

“Suriya ozod armiyasi” 2011-yilning yozida prezident Bashar Asad boshchiligidagi hukumatga qarshi bo‘lgan Suriya armiyasi ofitserlari guruhi tomonidan tuzilgan. Hozir OSA kichik mahalliy tashkilotlardan iborat va yagona qo‘mondonlik markaziga ega emas. Koalitsiya AQSH va Saudiya Arabistoni tomonidan qo‘llab-quvvatlanadi.

ISHID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov