Bugun,

  • USD 11095.31
  • RUB 173.84
  • EUR 10772.44

Germaniya kansleri Olaf Shols va Norvegiya bosh vaziri Yonas Gar Styor NATOga suvosti infratuzilmasini himoya qilishni kuchaytirish bo‘yicha markaz yaratish taklifi bilan chiqishga kelishib oldi, deb xabar bermoqda Norvegiya hukumati matbuot xizmati.

Foto: Global Look Press

Foto: Global Look Press

“Kansler Shols va men bugun (30-noyabr) suvosti infratuzilmasini himoya qilishni kuchaytirish bo‘yicha norasmiy tashabbus bilan chiqdik. Biz bu ishni davom ettirish uchun NATO markazini yaratishni taklif qilamiz”, — dedi Styor Berlinda Germaniya kansleri bilan uchrashuv yakunlari bo‘yicha o‘tkazilgan matbuot anjumanida.

Germaniya va Norvegiya rahbarlari bunday markazni xususiy sektor bilan hamkorlikda tashkil etish zarurligini ta’kidladi, shunda “kelajakdagi sabotajlarning oldini olish uchun rejalar va xavfsizlik choralarini muvofiqlashtirish mumkin bo‘ladi”.

Keyinroq Shols va Styor NATO bosh kotibi Yens Stoltenberg bilan uchrashib, unga taklifni taqdim etgan bo‘lishi kerak edi, deya qo‘shimcha qildi hukumat matbuot xizmati.

Boltiq dengizidagi “Shimoliy oqim” gaz quvuri portlashidan keyin noyabr oyi oxirida Norvegiya Shimoliy dengizdagi neft va gaz infratuzilmasi atrofida xavfsizlik choralarini kuchaytira boshladi. Keyinchalik hukumat suvosti optik tolali kabellari xavfsizligini ta’minlash uchun 43 million kron (4,3 million dollar) gacha ajratishga qaror qildi. Mablag‘lar suvosti kabellariga tahdidlarni aniqlay oladigan va ushbu liniyalarning muhim uchastkalarini kuzata oladigan texnologiyani ishlab chiqishga yo‘naltirilishi rejalashtirilgan, deb yozdi Bloomberg.

Ma’lumot uchun sentabr oyi oxirida Daniya va Shvetsiyaning eksklyuziv iqtisodiy zonalaridagi “Shimoliy oqim” va “Shimoliy oqim 2” gaz quvurlarida portlashlar yuz bergandi.

Izoh
Asosiy yangiliklar
Dunyo
Turkiya va Suriyadagi zilzila nega halokatli oqibatlarga olib keldi?
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Dunyo
Turkiya va Suriyadagi kuchli zilzila: Vayronalar ostidan odamlar qidirilmoqda — fotoreportaj