Bugun,

  • USD 11095.31
  • RUB 173.84
  • EUR 10772.44

Turkiya prezidenti Rajab Toyyib Erdo‘g‘on Suriya shimoli va Iroqdagi harbiy amaliyotlar uchun hech kimga hisobot berishga majbur emasligini aytdi. Bu haqda Anadolu xabar berdi.

Foto: TCCB

Foto: TCCB

Erdo‘g‘onning so‘zlariga ko‘ra, hech kim bo‘sh tahdidlar bilan Turkiyani siyosiy, diplomatik, iqtisodiy va harbiy sohalarda uning manfaatlariga zid pozitsiyalarni egallashga majburlay olmaydi.

“Vatanimiz va xalqimiz xavfsizligini ta’minlash uchun chora ko‘rar ekanmiz, hech kimdan ruxsat so‘ramaymiz va hech kimga javob bermaymiz. Ro‘yxatga olingan terror tashkilotini qo‘llab-quvvatlayotganlarning ikkiyuzlamachiligiga toqat qilmasligimiz kerak”, — deydi u.

Shuningdek, prezident Turkiyaning xavfsizlik va tinchlik doirasini kengaytirishga qaratilgan harbiy amaliyotlari hech kimni tashvishga solmasligi kerakligini qayd etdi.

Turkiya Mudofaa vazirligi avvalroq Suriya va Iroq shimolidagi kurd tuzilmalariga qarshi “Tirnoq-qilich” havo operatsiyasi boshlangani haqida xabar bergandi. Vazirlik ma’lumotlariga ko‘ra, terrorchilar Turkiyaga hujum qilish uchun ushbu davlatlarning shimoliy hududlaridan baza sifatida foydalanmoqda. Dastlabki kurdlarga qarshi operatsiyada Suriya va Iroqdagi 89 ta obyekt nishonga olingan. Erdo‘g‘on AQSHni kurd jangarilariga qurol-yarog‘ yetkazib berishda ayblagan. Rossiya Turkiyani Suriya va Iroqqa zarba berishdan tiyilishga chaqirgan. Erdo‘g‘on esa Iroq va Suriya shimolidagi operatsiyani “faqat boshlanishi” deb atagan. Holat yuzasidan Suriyadagi kurdlar Rossiyadan hududlarini himoya qilishda yordam so‘ragan.

Izoh
Asosiy yangiliklar
Mahalliy
AOKA “Human.uz” jurnalistlari bilan bog‘liq holat yuzasidan munosabat bildirdi 
Mahalliy
O‘zbekistonda chiqindi gazidan elektr ishlab chiqarish yo‘lga qo‘yiladi 
Dunyo
Putin yo‘qotishlarga qaramay, bahorda Ukrainaga qarshi yangi hujumni rejalashtirmoqda — Bloomberg